دانیشتنی حەوتوانە 40
❂ناوەندی فەرهەنگی – هونەریی جامی❂
چلەمین دانیشتنی زانستیی ناوەندی فەرهەنگی هونەری جامی بەڕێوە چوو
تەوەر: بنەماڵه و جیهانی دیجیتاڵ
(پێوەندی نێوان فەزای مەجازی و بنەماڵە لە ژیانی ئەوڕۆیی‌دا، خەسار و لێکەوتەکانی)
وتاربێژان
١- دوکتور عەلیڕەزا محەممەدنژاد(ڕەوانناس و توێژەر)
٢- یاقووب خزری(ڕەوانناس و ڕەوان‌دەرمانگەری منداڵان)
بەڕێوەبەر: سۆما تووتنچی
.
✓ چلەمین دانیشتنی حەوتووانەی ناوەندی فەرهەنگی هونەریی جامی بە بەشداری هۆگرانی زانست و فەرهەنگی کوردی، ڕۆژی پێنج‌شەممە ١١ی ڕێبەندانی ١٤٠٣ی هەتاوی بە شێوەی میزگێرد، لە نووسینگەی ناوەندی فەرهەنگی – هونەریی جامی بە بەشداری ژمارەیەک له نووسەرانی شاری شنۆ و هەروەها ڕەوانناسان و ڕاوێژکارانی مەهاباد، بەڕێوە چوو.
☜ لە پاژی یەکەمی میزگێردەکەدا د. عەلیڕەزا محەممەد نژاد وتاری خۆی لە ژێر سەردێڕی ” بنەماڵه و جیهانی مەجازی”دا، پێش‌کێش کرد. محەممەدنژاد لەم وتارەدا باسێکی تێروتەسەلی لەسەر ژیان بە گشتی و ژیانی بنەماڵە بە تایبەتی کرد. پاشان پێوەندی بنەماڵە و جیهانی مەجازی لە دوو ڕەهەندی پۆزەتیڤ و نیگەتیڤ‌دا لێک دایەوە.
د.محەممەدنژاد لە درێژەدا باسی لە نیشانەکانی گرفتی بنەماڵە لە پێوەندی لەگەڵ جیهانی مەجازی‌دا کرد و لە کۆتایی‌دا ڕێگا چارە پێویستەکانیشی هێنایە بەر باس و بە وردی لێکی دانەوە.
☜ لە پاژی دووەمی میزگێردی ئەوڕۆدا یاقووب خزری، وتاری خۆی لە ژێر سەردێڕی “جیهانی مەجازی و پرسی منداڵان” پێش‌کێش کرد. خزری لەم وتارەدا سەرەتا چەمکی منداڵی لە پێوەندی لەگەڵ جیهانی مەجازی‌دا شی کردەوە. پاشان باسی لە وردەکارییەکانی جیهانی مەجازی و کاریگەرییەکانی لەسەر منداڵ کرد. خزری لە درێژەدا ئاماژەی بە ژمارەیەک لێکۆڵینەوە کرد، کە ئەم بابەتەیان خستووەتە ژێر تیشکی توێژینەوە. لە کۆتاییش‌دا هێندێک ڕێکاری چارەسەر کردنی ئەم کێشانەی خستنە ڕوو.
✓ بەشێکی تری بەرنامەکە بریتی بوو لە ” پرسیار و وڵام”. لەم بەشەدا ئامادەبووان پرسیارەکانی خۆیان لە بابەت تەوەری باسەکە خستە ڕوو و وڵامی پێویست لە لایان وتاربێژانەوە درایەوە.
١٤٠٣/١١/١١
☟
https://t.me/nawendy1