دانیشتنی حەوتوانە 41
❂ناوەندی فەرهەنگی – هونەریی جامی❂
چل و یەکەمین دانیشتنی زانستیی ناوەندی فەرهەنگی هونەری جامی بەڕێوە چوو
تەوەر: فەلسەفە بۆ منداڵان
وتاربێژ: د.ئیدریس ئیسلامی(مامۆستای زانکۆ و توێژەر)
بەڕێوەبەر: حەسەن محەممەدی
.
✓ چل و یەکەمین دانیشتنی حەوتووانەی ناوەندی فەرهەنگی هونەریی جامی بە بەشداری هۆگرانی زانست و فەرهەنگی کوردی، ڕۆژی پێنج‌شەممە ١٨ی ڕێبەندانی ١٤٠٣ی هەتاوی لە نووسینگەی ناوەندی فەرهەنگی – هونەریی جامی بەڕێوە چوو.
☜ وتاری ئەم حەوتوویە، لە ژێر سەردێڕی “فەلسەفە بۆ منداڵان” لە لایەن دوکتور ئیدریس ئیسلامی، مامۆستای زانکۆ، پێش‌کێش کرا. لەم وتارەدا د.ئیسلامی سەرەتا بە شێوەیەکی مێژوویی ئاوڕی دایەوە سەر ساڵەکانی ١٩٧٠ و سەرەتای وەدی هاتنی مژاری بابەتەکە. د.ئیسلامی وتی: لە ساڵەکانی ١٩٧٠دا لیپمەن لە زانکۆیەکی ئامریکایی دوای وەی زانی کە خوێندکارەکانی لە شێوازی بیر کردنەوە و چۆنێتی لێک دانەەی بابەتەکان لاوازن، بنەماکانی فەلسەفەی بۆ منداڵان خستە ڕوو. لیپمەن پلانێکی نوێی هێنایە ئاراوە و فەلسەفەی منداڵانی وەک بەشێک لە فەلسەفەی کاربوردی تێئۆریزە کرد. ئیسلامی لە درێژەدا باسی لەوەی کرد، ئەم بابەتە لە ڕووی ئامانجەوە ڕووی لە منداڵان و سیستمی پەروەردەیە و فێری منداڵان دەکا لە چوارچێوەی چیرۆک‌گەلی فەلسەفی‌دا لێهاتوویی خۆیان لە شێواز و چۆنێتی بیر کردنەودا بەهێز بکەن. پاشان مێتۆد و ناوەڕۆکی چەمکی فەلسەفە بۆ منداڵانی هێنایە بەر باس و لێدوان.
✓ بەشێکی تری بەرنامەکە بریتی بوو لە ” پرسیار و وڵام”. لەم بەشەدا ئامادەبووان پرسیارەکانی خۆیان لە بابەت تەوەری باسەکە خستە ڕوو و وڵامی پێویست لە لایان وتاربێژەوە ئاراستەی ئەو بەڕێزانە کرا.
١٤٠٣/١١/١٨
☟
https://t.me/nawendy1