دانیشتنی حەوتوانە 42
❂ناوەندی فەرهەنگی – هونەریی جامی❂
چل و دووەمین دانیشتنی زانستیی ناوەندی فەرهەنگی هونەری جامی بەڕێوە چوو
تەوەر: ڕەوانکاوی و ئەدەبیاتی کوردی(وانەوتاری یەکەم)
وتاربێژ: ئازاد شوجاعی
بەڕێوەبەر: یاقووب خزری
.
✓ چل و دووەمین دانیشتنی حەوتووانەی ناوەندی فەرهەنگی هونەریی جامی بە بەشداری هۆگرانی زانست و فەرهەنگی کوردی، ڕۆژی پێنج‌شەممە ٢٥ی ڕێبەندانی ١٤٠٣ی هەتاوی لە نووسینگەی ناوەندی فەرهەنگی – هونەریی جامی بەڕێوە چوو.
☜ وتاری ئەم حەوتوویە، لە ژێر سەردێڕی “ڕەوانکاوی و ئەدەبیاتی کوردی” لە لایەن بەڕێز ئازاد شوجاعی، پێش‌کێش کرا. لەم وتارەدا بەڕێزیان سەرەتا باسی لەوەی کرد کە ئەم وتارە بیردۆزەی ژاک لاکان دێنێتە بەر باس و پاشان دەگاتە ئاستی تەحلیلی ڕۆمانی زازای محەممەد قازی لە ڕوانگەی لاکانەوە. ڕێزدار شوجاعی لە درێژەدا وتی: لاکان باس لە سێ نەزمی بنەڕەتی دەکا و بریتین لە ئەمری خەیاڵی، ئەمری واقع و ئەمری سەمبۆلیک(نمادین). هەر کام لەو سێ چەمکەی لە چوارچێوەی بیردۆزەی ڕەوانکاویی لاکانی‌دا شی کردەوە و بنەما تیۆری و وردەکارییەکانی ئەم ڕوویکەردەی خستە بەر باس. پاشان باسی لە کانسێپتی ژووئیسانس وەک یەکێک لە چەمکە بنەڕەتییەکانی لاکان کرد و گرینگایەتی ئەم مەفهوومەی شی کردەوە.
✓ بەشێکی تری بەرنامەکە بریتی بوو لە ” پرسیار و وڵام”. لەم بەشەدا ئامادەبووان پرسیارەکانی خۆیان لە بابەت تەوەری باسەکە خستە ڕوو و وڵامی پێویست لە لایان وتاربێژەوە ئاراستەی ئەو بەڕێزانە کرا.
١٤٠٣/١١/٢٥
☟
https://t.me/nawendy1