دانیشتنی حەوتوانە 44
❂ناوەندی فەرهەنگی – هونەریی جامی❂
چل و چوارەمین دانیشتنی زانستیی ناوەندی فەرهەنگی هونەری جامی بەڕێوە چوو
تەوەر: نواندن و شیکاری لە ڕووی تیۆریای مۆسیقاوە بۆ هەندێ لە بەیتەکان
وتاربێژ: خالید پیشداد(کارناسی باڵای مۆسیقا و توێژەری مۆسیقای کوردی)
بەڕێوەبەر: قاسم تاباک
.
✓ چل و چوارەمین دانیشتنی حەوتووانەی ناوەندی فەرهەنگی هونەریی جامی بە بەشداری هۆگرانی زانست و فەرهەنگی کوردی لە مەهاباد، ڕۆژی پێنج‌شەممە ٩ی ڕەشەمەی ١٤٠٣ی هەتاوی لە نووسینگەی ناوەندی فەرهەنگی – هونەریی جامی بەڕێوە چوو.
☜ وتاری ئەم حەوتوویە، لە ژێر سەردێڕی “نواندن و شیکاری لە ڕووی تیۆریای مۆسیقاوە بۆ هەندێ لە بەیتەکان” لە لایەن بەڕێز خالید پیشداد، کارناسی باڵای مۆسیقا و توێژەری مۆسیقای کوردی پێش‌کێش کرا. لەم وتارەدا بەڕێزیان سەرەتا باسێکی تیۆریکی لەسەر مێلۆدی، لە ڕووی پێوەرە جیهانییەکان خستە بەر تیشکی لێکۆڵینەوە. پاشان هەندێ لە بەیتە کوردییەکانی وەک سەیدەوان، زەمبیل‌فرۆش و “هتد”ی لەو چوارچێوە جیهانییەدا پۆلێن‌بەندی کرد. ئەم توێژەرە لە درێژەدا باسی له وردەکارییەکانی ئەم باسەی لە نێو بەیتەکانی کوردی‌دا کرد. لە پاڕتێکی دیکەی وتارەکەیان‌دا ئاماژەی بەوەی دا کە ئەم بەیتانە لە ڕووی مۆسیقاوە دەکەونەی خانەی مەقامات و لێکدانەوەیان لە ڕووی ئەم چوارچێوە تیۆرییە لەم بەستێنەدا سەیر دەکردرێ.
لە کۆتاییش‌دا کاک خالید پیشداد بە ژەنینی ئامێری “عوود” بەشێک لەم مەقاماتەی بۆ بەشداربووان شی کردەوە.
✓ بەشێکی تری بەرنامەکە بریتی بوو لە ” پرسیار و وڵام”. لەم بەشەدا ئامادەبووان پرسیارەکانی خۆیان لە بابەت تەوەری باسەکە خستە ڕوو و وڵامی پێویست لە لایان وتاربێژەوە ئاراستەی ئەو بەڕێزانە کرا.
١٤٠٣/١٢/٠٩
☟
https://t.me/nawendy1