دانیشتنی حەوتوانە 45
❂ناوەندی فەرهەنگی – هونەریی جامی❂
چل و پێنجەمین دانیشتنی زانستیی ناوەندی فەرهەنگی هونەری جامی بەڕێوە چوو
تەوەر: شانۆی پڕاکتیک(کاربردی) و ڕەوتی چارەسەریی دەروونی
وتاربێژ: ئومید پەیرەوی(چارەشانۆگەر، ئەندامی ئەنجومەنی چارەشانۆی جیهانی[FEPTO]، دەرهێنەری شانۆ، نووسەر و ڕەوانناس)
دەبیری پەنێل: یاقووب خزری
.
✓ چل و پێنجەمین دانیشتنی حەوتووانەی ناوەندی فەرهەنگی هونەریی جامی بە بەشداری هۆگرانی زانست و فەرهەنگی کوردی لە مەهاباد، ڕۆژی پێنج‌شەممە ١٦ی ڕەشەمەی ١٤٠٣ی هەتاوی لە نووسینگەی ناوەندی فەرهەنگی – هونەریی جامی بەڕێوە چوو.
☜ وتاری ئەم حەوتوویە، لە ژێر سەردێڕی” شانۆی پڕاکتیک(کاربردی) و ڕەوتی چارەسەریی دەروونی” لە لایەن بەڕێز ئومید پەیرەوی(چارەشانۆگەر، ئەندامی ئەنجومەنی چارەشانۆی جیهانی[FEPTO]، دەرهێنەری شانۆ، نووسەر و ڕەوانناس) پێش‌کێش کرا. لەم وتارەدا بەڕێزیان سەرەتا باسێکی تیۆریکی لەسەر شانۆ و ڕەهەندەکانی پڕاکتیکی ئەم مژارەی خستە بەر تیشکی لێکۆڵینەوە. پاشان ئاماژەی بە هێندێک لە کاریگەرییەکانی شانۆ لەسەر ژیانی ئینسان کرد. پەیرەوی کوتی: مرۆڤ پێویستە گۆڕان‌کاری لە خۆیەوە دەست پێ بکا و ڕەوتی چارەشانۆش لەسەر ئەم ڕوانگەیە بۆ چارەسەری کێشەکان بنیات نراوە. هەروەها بەڕێزیان ئاماژەی بە لایەنە ڕەوانناسانەکەی ڕەوتی چارەشانۆ(دڕاماتڕاپی) دا و وردەکارییەکانی ئەم باسەی هێنایە ئارایەوە. ئەم توێژەرە لە درێژەدا باسی لە شێوازی ئەنجام دانی چارەشانۆ و پێوەندی ئەم ڕەوتە لەسەر دەرمانی ئاڵۆزییە ڕەوانییەکان کرد.
✔ لە پاڕتێکی دیکەی بەرنامەدا ڕێزدار خاتوو ئامینە سونبولی دوایین بەرهەمی خۆی بە نێوی شانۆنامەی پوورەدار، کە بە شێوەی شێعر بۆ منداڵان نووسراوە بە ئامادەبووان ناساند.
✓ بەشێکی تری بەرنامەکە بریتی بوو لە ” پرسیار و وڵام”. لەم بەشەدا ئامادەبووان پرسیارەکانی خۆیان لە بابەت تەوەری باسەکە خستە ڕوو و وڵامی پێویست لە لایان وتاربێژەوە ئاراستەی ئەو بەڕێزانە کرا.
١٤٠٣/١٢/١٦
☟
https://t.me/nawendy1