دانیشتنی حەوتوانە 47
◉━ناوەندی فەرهەنگی – هونەریی جامی━◉
چل و حەوتەمین دانیشتنی ناوەندی فەرهەنگی هونەریی جامی بەڕێوە چوو.
تەوەر: ساڵیادی دامەزراندنی ناوەندی جامی
کۆڕگێڕ: سۆما تووتنچی
چل و حەوتەمین دانیشتنی حەوتووانەی ناوەندی فەرهەنگی هونەریی جامی بە بەشداریی ئەندامانی جامی، تاقمێک لە نووسەران و هۆگرانی فەرهەنگ و ئەدەب و ژمارەیەک لە قەڵەم بەدەستان، ڕۆژی پێنج‌شەممە ٢١ی خاکەلێوەی ١٤٠٤ی هەتاوی لە نووسینگەی ناوەند بەڕێوە چوو.
☜ یەکەم کۆڕی ساڵی ١٤٠٤ی هەتاوی بۆ “یادیك لە تێکۆشانی یەک ساڵەی ناوەند” تەرخان کرابوو. سەرەتای کۆڕەکە تیزێرێک لە تێکۆشانەکانی یەک‌ساڵەی ناوەند بڵاو کراوە و پاشان ئەحمەد بەحری وێڕای بەخێر هێنانی دانیشتووان، پیرۆزبایی سەری ساڵی تازەی لە هەموو لایەک کرد و جەختی لە سەر ئەوە کردەوە کە ناوەند لە چوارچێوەی یاسادا شێلگیرانە لەم ساڵ‌دا تێدەکۆشێ بەرنامەکانی خۆی بەڕێوەبەرێ و سپاس و پێزانینی ناوەندی جامی پێشکێشی هەموو ئەو کەسانە کرد کە لە ماوەی یەک ساڵەی دامەزراندنی ئەم ناوەندە هاوبیر و هاوکار بوون. پاشان عەلی ئازیز کتێبی ڕۆمانی “کەیغان”ی بە ئەحمەد بەحری پێش‌کێش کرد سەبارت بە ماندوو بوونی بۆ زنجیرە کتێبی گەنجی سەر بەمۆر.
☜ لە بەشی دووەمی کۆڕەکەەدا، بابەتەکان لە لایەن ئەندامان و بەشداربووانەوە بەو شێوەیە پێش‌کێش کرا:
د. خالەق جەلیل‌نژاد ڕەوتی پڕوژە فەرهەنگی، هونەری و زانستیییەکانی ناوەندی جامی، جێگەوپێگەی ناوەند و کاریگەری ئەم پڕۆژانەی لە سەر کۆمەڵگا بە درێژی هێنایە بەر باس.
سەلاح خزری بە دەنگی خۆشی هاوڕێی ژەنیاران: دیاکۆ نەسیمی بە “دەف”، فەرهاد سەعیدی بە “شمشاڵ” بە چەند پارچە مۆسیقا کۆڕەکەیان رازاندەوە.
شێعری سێ شاعیر ڕازێنەرەوەی بەشێکی دیکەی ئەم کۆڕە بوو: خاتوونی خۆر، ئیحسان پیرۆتی و غەوارە.
دانیشتنەکە بە پەزیرایی و میوانداریی کۆتایی هات.
ڕێکەوت: ١٤٠٤/١/٢۱
https://t.me/nawendy1