دانیشتنی حەوتوانە 48
◉ناوەندی فەرهەنگی – هونەریی جامی◉
چل و هەشتەمین دانیشتنی ناوەندی فەرهەنگی هونەریی جامی بەڕێوە چوو.
تەوەر: ڕەوانکاری ئەدەبیاتی کوردی (بەشی دووەم)
وتاربێژ: ئازاد شوجاعی
کۆڕگێڕ: یاقووب خزری
چل و هەشتەمین دانیشتنی حەوتووانەی ناوەندی فەرهەنگی هونەریی جامی بە بەشداریی ئەندامانی جامی، تاقمێک لە نووسەران و هۆگرانی فەرهەنگ و ئەدەب و ژمارەیەک لە قەڵەم بەدەستان، ڕۆژی پێنج‌شەممە ۴ی بانەمەڕ ١٤٠٤ی هەتاوی لە نووسینگەی ناوەند بەڕێوە چوو.
☜ ناوەندی فەرەنگی – هونەری جامی لە دڕێژەی ئێوارە دانیشتنەکانی حەوتووانەی خۆی‌دا، ئەو دانیشتنەی تەرخان کرد بە “ئەدەبیات و ڕەوانکاوی” لە چوارچێوەی دەقی کوردی‌دا.
وتاربێژی ئەو دانیشتنە بەڕێز “ئازاد شوجاعی” بوو. جێگای ئاماژەیە کە بەڕێز شوجاعی پێشتر هەر لەو چوارچێوەدا بەشی یەکەمی پرۆژەکەی خۆی لە ناوەنددا پێشکەش کردبوو.
لە کۆری ئەوجارە‌دا سەرەتا وتاربێژ ئاوڕێکی کورت و پوختی لە باسەکانی جەلەسەی پێشووی خۆی دایەوە. لەو بەشەدا ئەو چەمک و لایه‌نە نەزەرییانەی کە پێویست بوو بۆ دامەزراندنی باسەکەی، بۆ ئامادەبووانی دووپات کردەوە. وتاربێژ بۆ ئەوەی بتوانێ پەیوەندێکی فکری لە مابەینی باسە نەزەرییەکانی ڕوانکاویی لاکانی له چوارچێوەی ئەدەبیاتی کوردی دەستەبەر بکا، دوو دەقی وەک نموونە دیاری کرد کە بریتی بوون لە: شێعری باغچەی پاشای مامۆستا گۆران. ئەوی دیکەش چیرۆکی زارای مامۆستا محەممەد قازی. بەڕێز شوجاعی، بە پێی نەزەریەی ڕەونکاوی لاکان ئەو دوو دەقەی ئانالیز کرد و پرسی عەشق و تراژدی، فام و تێگەی ئەدەبی لە ژن ، پیاو و دڵداری لێکداوە. پاشان ، ئامادەبووانی کۆرەکە پرسیارەکانی خۆیان لە چواچێوەی باسەکە هێناگۆرێ و لە لایەن کۆرگێرەوە تیشکیان خرایە سەر.
☜ بەشێکی تری بەرنامەکە بریتی بوو لە ” پرسیار و وڵام”. لەم بەشەدا ئامادەبووان پرسیارەکانی خۆیان لە بابەت تەوەری باسەکە خستە ڕوو و وڵامی پێویست لە لایان وتاربێژەوە ئاراستەی ئەو بەڕێزانە کرا.
ڕێکەوت: ١٤٠٤/۲/۴
https://t.me/nawendy1