دانیشتنی حەوتوانە 50
◉ناوەندی فەرهەنگی ــ هونەریی جامی◉
پەنجایەمین دانیشتنی ناوەندی فەرهەنگی هونەریی جامی بەڕێوە چوو.
تەوەر: ڕۆمان چێیە ؟ خوێندنەوەێەک لە ڕوانگەی نەزەریی باختین
وتاربێژ: محەممەد عەبوڵڵابەیگی
کۆڕگێڕ: حەسەن محەممەدی
دانیشتنی ژومارە پەنجای حەوتووانەی ناوەندی فەرهەنگی هونەریی جامی بە بەشداریی ئەندامانی جامی، تاقمێک لە نووسەران و هۆگرانی فەرهەنگ و ئەدەب و ژمارەیەک لە قەڵەم بەدەستان، ڕۆژی دووشەممۆ ٢٢ی بانەمەڕ ١٤٠٤ی هەتاوی لە نووسینگەی ناوەند بەڕێوە چوو.
☜ ناوەندی فەرهەنگی هونەریی جامی لە دڕێژەی ئێوارەدانیشتنەکانی حەوتووانەی خۆی‌دا، ئەو دانیشتنەی تەرخان کرد بە “ڕۆمان چێیە؟ لە ڕوانگەی نەزەریی باختین”
وتاربێژی ئەو دانیشتنە بەڕێز “محەممەد عەبدووڵڵابەیگی” بوو. جێگای ئاماژەیە کۆرگێڕ سەرەتا پۆلێن‌بەندێکی تێئۆریکی کرد لە بەینی دوو سوننەتی فیکری سەبارەت بە ڕۆمان. لە ڕوانگەی نەزەری ڕۆمان ژانرێک بوو کە لە چوارچێوەی ئێلەمانەکانی کە دەقیان پێ پۆڵێن دەکرد جێی نەدەگرت. هەر ئەوە ڕێگای خۆش کرد بۆ دروست بوونی ڕەوتێکی فیکری نوێ کە پرس و چێتیی ڕۆمان لە چوارچێوەی ئەدەبیات‌دا جێگەوپێگە و گرینگی پێبدرێ.
پاش باس‌کردن لەم دوو بابەتە، کۆرگێر ئاماژەی بە بنەما نەزەرێکانی میخائیل باختین کرد و چەمک و مەفهوومەکانی باختین وەک “دیاڵۆگ مێحوری، کارناواڵ، ئۆتۆریتەی زمانی، باس کرد. وتاربێژ بە هێنانەوەی فەکت‌گەلی جۆراجۆر لە ڕۆمانە جیهانێکان ڕوانگەی باختینی شی کردەوە.
لە بەشێکی دیکەی وتەکانی‌دا وتاربێژ بە ئاماژە بە ڕۆمانی کوردی لە ڕوانگە باختینی، پێی وا بوو، ڕۆمانی کوردی بە هۆی زاڵ بوونی هێندێک پێش‌فەڕزی زەینی نەیتوانیوە بە گوێرەی پێویست لە چوارچێوەی دیاڵۆگ مێحوری کە باختین باسی دەکا لە چۆنێتی دارشتنی گێرانەوە کەڵک وەرگرێ.
☜ بەشێکی تری بەرنامەکە بریتی بوو لە “پرسیار و وڵام”. لەم بەشەدا ئامادەبوان پرسیارەکانی خۆیان لە بابەت تەوەری باسەکە خستە ڕوو و وڵامی پێویست لە لایان وتاربێژەوە پێشکەشی ئەو بەڕێزانە کرا.
ڕێکەوت: ٢٢/ ٢ / ١٤٠٤
https://t.me/nawendy1