دانیشتنی حەوتوانە 56
◉ناوەندی فەرهەنگی – هونەریی جامی◉
پەنجا و شەشەمین دانیشتنی ناوەندی فەرهەنگی هونەریی جامی بەڕێوە چوو.
تەوەر: پرسی ئاو و ژیانی کۆمەڵایەتی و کەلتووری
وتاربێژ: دوکتور سەید کەمال حوسەینی
کۆڕگێڕ: دوکتور فریا قادری
دانیشتنی ژومارە پەنجا و شەشەمی حەوتووانەی ناوەندی فەرهەنگی هونەریی جامی بە بەشداریی ئەندامانی جامی، تاقمێک لە نووسەران و هۆگرانی فەرهەنگ و پرسە کۆمەڵایەتێکان و ژمارەیەک لە قەڵەم بەدەستان، ڕۆژی دووشەممۆ ٩ی پووشپەر ١٤٠٤ی هەتاوی لە نووسینگەی ناوەند بەڕێوە چوو.
☜ ناوەندی فەرهەنگی هونەریی جامی لە دڕێژەی ئێوارەدانیشتنەکانی حەوتووانەی خۆی‌دا، ئەو دانیشتنەی تەرخان کرد بۆ بابەتێکی گرینگی مڕۆڤاێەتی بە‌گشتی و مڕۆڤی کورد بەتایبەتی لە ژێر ناوی ” پرسی ئاو و ژیانی کۆمەڵایەتی و کەلتووری” وتاربێژی ئەو کۆڕە بەڕێز دوکتور حوسەینی بوو.
وتاربێژ سەڕەتا باسی لە گرینگی ئاو لە ژیانی مڕۆڤ کرد کە نەبوونی ئاو دەتوانێ سەرچاوە کۆمەڵێک قەیرانی گەورە بێ لە ئێستای جیهان‌دا. دوکتور حوسەینی ، ئاماژەی کرد پرسی ئاو ئەوەندە گرینگە نیزیک بە سێ دەیەیە کە یونسکۆ هەموو ساڵێ بۆ پرسی ئاو ناسناوێک دیاری دەکا.
بە پێی ئاماژەی وتاربێژ، پرسی ئاو دەتوانێ لە داهاتووی مڕۆڤ‌دا قەیرانی گەوڕەی ئەمنی لێبکەوێتە.
پاشان ئاماژەی کرد وڵاتان لە هەمبەر پرسی ئاو بە سێ دەستەی گشتی دابەش دەکرێن.
١- وڵاتانێک کە قەیرانی ئاویان فام کردووە و ئێستا لە چوارچێوەی “مودیریەتی ڕیسک ” ستراتژی و پڵانی تۆکمەیان بۆیی هەیە.
٢ ـ وڵاتانێک کە هەستیان بە بوونی قەیرانی ئاو کردووە بەڵام هیچ پرۆژە و پلانێکیان بۆیی نیە.
٣ـ دەستەیەک وڵات لە دونیا هیچ دەرک و فامێکیان لەسەر ئەو مەسەلە نیە.
لە بەشێکی دیکەی کۆرەکە دوکتۆر حوسەینی ئاماژەی بە بابەتێک لە ژێر ناوی “سەوادی ئاو ” کرد. کە لە لایەن ڕێکخراوەی یونسکۆ هاتۆتە ئاراوە. چەمک و دیاڕەکانی ئەو بابەتەی بە وردی باس کرد.
لە پاژێکی دیکە‌دا ، دوکتور حوسەینی باسی ” ساحێبەتی ئاو ” (مالکیت آب) هێنا گۆڕێ کە چۆن دەوڵەتان حەوڵ دەدەن له دونێا پرۆژەی وایان هەبێ ببنە مالیک و ساحێبی ئاو. لەو پەیوەندێ‌دا ئاماژەی بە دوو پرۆژەی گەورەی دوو وڵاتی توکیە و ئەفغانستان کرد کە چۆن لە ڕۆژئاوا و ڕۆژهەڵاتێ ئێران خەریکن خۆیان دەکەن مالیک و ساحێبی ئاو. لێرەدا ئاو وەک سەڕچاویەکی هێزی سیاسی، ئابووری خۆیی نیشان دەدا.
لە بەشی کۆتایی‌دا دوکتور حوسێنی ئاماژەی بەو ڕێگا چاڕانە کرد کە دەکرێ لە ئاستی جۆڕاوجۆڕ سەبارەت بە پرسی ئاو ڕەچاو کرێ تا مەودای و پانتایێ ئەو قەیرانە زۆر گەورە نەبێتەوە. وەک فێرکاری چۆنێتی مەسڕەف و خەرج کردنی ئاو لە لایەن تاکەکان، کەڵک وەرگرتن لە شێوەی کشت و کاڵێک کە ڕێژەی خەرج و مەسرەفی ئاو کەمکاتەوە. دەوری دەوڵەت بۆ پشتیوانی و پراکتیزە کردنی سیاسەتی پشتیوانی و داکۆکی کردن لەو پرۆژانەی قەیرانی ئاو کەمدەکاتەوە. پەرە پێدانی دیپلۆماسی ئاو تەوەر بۆ ستاندنی مافی سروشتی ئاوی وڵات.
☜ لە بەشێکی کۆتایی کۆرەکەدا بەشداربووان لە چوارچێوەی باسەکەی‌دا هێنا گۆڕێ و وتاربێژ بە گوێرەی پێویست وەڵامی دانەوە.
ڕێکەوت: ۹ /٤/ ١٤٠٤
https://t.me/nawendy1