دانیشتنی حەوتوانە 58
◉ناوەندی فەرهەنگی – هونەریی جامی◉
پەنجا و هەشتەمین دانیشتنی ناوەندی فەرهەنگی هونەریی جامی بەڕێوە چوو.
تەوەر: خوێندنەوەی بەرهەمی ئازاد
کۆڕگێڕ: قاسم تاباک
دانیشتنی ژومارە پەنجا و هەشتی حەوتووانەی ناوەندی فەرهەنگی هونەریی جامی بە بەشداریی ئەندامانی جامی، تاقمێک لە نووسەران و هۆگرانی فەرهەنگ و پرسە کۆمەڵایەتێکان و ژمارەیەک لە قەڵەم‌بەدەستان، ڕۆژی دووشەممۆ ٢٣ی پووشپەڕ ١٤٠٤ی هەتاوی لە نووسینگەی ناوەند بەڕێوە چوو.
☜ ناوەندی فەرهەنگی هونەریی جامی لە دڕێژەی ئێوارەدانیشتنەکانی حەوتووانەی خۆی‌دا، ئەو دانیشتنەی تەرخان کرد بۆ خوێندنەوەی بەرهەمی ئەندامان و بەشداربووانی کۆڕەکە.
سەرەتا بەڕێز خاتەمی شاعیر و وەرگێڕی مەهابادی چەند پارچە شێعری پێشکەشی ئامادەبووان کرد. پاشان، بەڕێز محەمەدی عەبدوڵڵاهی، چیرۆک‌نووسی لاوی مەهابادی، چیرۆکێکی مینیماڵی خوێندەوە. ئەو چێرۆکە لە لایەن ئامادەبووان قسەوباسێکی تایبەتی لەسەر کرا. پاشان، خاتوو بەفرین شەرەفکەندی چیرۆک‌نووس چەند پارچە شێعری پێشکەشی ئامادەبووان کرد. له بەشێکی دیکەی کۆڕەکە، شاعیر لاوی غەزەل‌نووس، ئێحسان پیرۆتی، چەند غەزەلێکی پێشکەش کرد. کە غەزەلەکانی ئەو شاعیرە لاوە لە ڕوانگەی جۆراوجۆر باسی لەسەر کرا. لە بەشێکی دیکە کۆڕەکە ، ڕەسووڵ حاجی‌شەدە دەقێکی خۆی پێشکەش کرد. پاشان، حەسەن محەمەدی، شاعیر و ڕۆمان‌نووس، چەند پارچە شێعری پێشکەشی ئامادەبووان کرد کە بەهۆیی تەواو بوونی کات قسەی لەسەر نەکرا.
☜ جێگای ئاماژەیە، ئەو بەڕێزانە لەسەر بابەتەکان قسەیان کرد : ئەحمەد بەحری، حەسەن محەمەدی، خاتوو دانیش‌پەژوو، خاتوو سونبولی، د. خالەق جەلیل‌نژاد، مەحمەد عەبدوولاهی، قاسم تاباک.
ڕێکەوت: ۱۴۰۴/۴/۲۳
https://t.me/nawendy1