دانیشتنی حەوتوانە 60
◉ناوەندی فەرهەنگی ــ هونەریی جامی◉
شێستەمین دانیشتنی ناوەندی فەرهەنگی هونەریی جامی بەڕێوە چوو.
تەوەر: کۆمەڵناسی و دین
وتاربێژ: دوکتور ئەحمەد غولامی
کۆڕگێڕ: سیما کوردپوور
دانیشتنی ژومارە شێستی حەوتووانەی ناوەندی فەرهەنگی هونەریی جامی بە بەشداریی ئەندامانی جامی، تاقمێک لە نووسەران و هۆگرانی فەرهەنگ و ئەدەب و ژمارەیەک لە قەڵەم بەدەستان، ڕۆژی دووشەممۆ ٦ی گەلاوێژی ١٤٠٤ی هەتاوی لە نووسینگەی ناوەند بەڕێوە چوو.
☜ ناوەندی فەرهەنگی هونەریی جامی لە دڕێژەی ئێوارەدانیشتنەکانی حەوتووانەی خۆی‌دا، ئەو دانیشتنەی تەرخان کرد بۆ بەشی دووەمی بابەتێکی گرینگ لە ژێر سەردێری “کۆمەڵناسی و دین ” کە لە لایەن دوکتور ئەحمەد غولامی پێشکەش کرا.
سەرەتا بەڕێوەبەری دانیشتنەکە بەرێز سیما کوردپوور دانیشتنەکەی بە یادکردنەوەی ئەو ژینگەپاڕێزانە کە لە چەند ڕۆژی ڕابردوو بۆ کووژاندنەوە ئاگر گیانیان لە دەست دابوو دەست‌پێکرد.
وتاربێژ دوکتور غولامی بەشی دووەمی باسەکەی خۆیی بە پێداچونەوەی کورتی هێندێک له بنەماکانی نەزەری دانیشتنی پێشوو دەست پێکرد. دوکتور غولامی ، لەو دانیشتنەدا باسەکەی خۆی تەرخان کرد بۆ نەزەر و بۆچوونی ئەو کۆمەڵناسانەی کە لە دەیەکانی ١٩٧٩ سەریان هەڵداوە. لە ڕوانگەی بەڕێز غولامی، لەو دەورە مێژوویەڕا دەگەڵ وەرچەرخانێکی فکری نوێی ڕووبەڕووین. ئەو وەرچەخانە بە جۆرێک ڕەخنە لە باسەکانی کۆمەڵناسی کڵاسیک دەگرێ و پێیان وایە ئەو مانایەی ئەوان سەبارەت بە سێکولاریسم و جیهانی مۆدێرن و عەقلی مۆدێرن باسیان کردووە لە هێندێک لایەن وادەرنەهاتووە. بۆیە لەو دەورەیەدا ئێمە دەگەڵ پۆست سێکولاریسم ڕووبەڕوو دەبین وەک کۆنسێپتێک ڕەخنەیی سەبارەت بە نیزامی فکری دێتە ئاراوە.
پاشان دوکتور غولامی باسێکی نەزەری چڕوپڕی سەبارەت بەباتەی دین لە ڕوانەی بیرمەندانی وەک بێرگێر، هابێرماس، گیدێنز و بۆردییوە بۆ ئامادەبووان باس کرد.
لە بەشێکی دیکە وتارەکە دوکتور غولامی باسی لەوە کرد کە کۆمەڵناسی دین ئەگەر لە گوتاری کۆمەڵناسانی کلاسیک وەک فۆرمێک لە ڕوانین بۆ فام کردن و تێگەیشتن لە پرسەکان پێناسە دەکرا لە دەورەی نوێی‌دا کۆمەڵناسان ڕوویکەردێکی کارکەرگرایانەیان بۆ دین و کۆمەڵگا هەبوو. دین هیچی دیکە تەنها شێوە فۆرم و ڕوانینێک نێ. دین لایەنی هەنجاری و شناختی هەیە. دین بەشێک لەو فۆنکسیونەی کە لە هەناوی فیلد و کردە کۆمەلایەتیانە دەتوانێ بۆنی کردەیی هەبێ (بۆ تێگەیشتنی ورد لە باسه‌کە پێیشنیار دەکەین فایلی دەنگێکە ببیسین)
☜ بەشێکی تری بەرنامەکە بریتی بوو لە “پرسیار و وڵام”. لەم بەشەدا ئامادەبووان پرسیارەکانی خۆیان لە بابەت تەوەری باسەکە خستە ڕوو و وڵامی پێویست لە لایان وتاربێژەوە پێشکەشی ئەو بەڕێزانە کرا.
ڕێکەوت: ٦/ ٥ / ۱۴۰۴
https://t.me/nawendy1