دانیشتنی حەوتوانە 65
◉ناوەندی فەرهەنگی – هونەریی جامی◉
شێست و پێنجەمین دانیشتنی ناوەندی فەرهەنگی هونەریی جامی بەڕێوە چوو.
تەوەر: خوێندنەوە بەرهەمی ئازاد
وتاربێژ: ئەندامانی بەشدار
کۆڕگێڕ: قاسم تاباک
دانیشتنی ژومارە شێست و پێنجی حەوتووانەی ناوەندی فەرهەنگی هونەریی جامی بە بەشداریی ئەندامانی جامی، تاقمێک لە نووسەران و هۆگرانی فەرهەنگ و پرسە کۆمەڵایەتێکان و ژمارەیەک لە قەڵەم‌بەدەستان، ڕۆژی دووشەممۆ ١٧ی خەرمانان ١٤٠٤ی هەتاوی لە نووسینگەی ناوەند بەڕێوە‌چوو.
☜ ناوەندی فەرهەنگی هونەریی جامی لە دڕێژەی ئێوارەدانیشتنەکانی حەوتووانەی خۆی‌دا، ئەو دانیشتنەی تەرخان کرد بۆ خوێندنەوەی بەرهەمی ئەندامان و بەشداربوانی کۆڕەکە.
سەرەتا بەڕێز عەلی عەبدالی وەرگێری کتێبی ” کەرنامە” بانگهێشت کرا سەبارەت بەو بەرهەمە نوێیەیی خۆیی قسان بکات. پاشان بەشێکی لە کتێبی کەرنامەی پێشکەشی ئامادەبووان کرد. سەبارەت بە زمانی کتێبەکە و تایبەتمەندێکانی وەرگێران هەر یەک لە بەڕێزان ئەحمەد بەحری و مستەفا مەمولودی ڕای خۆیان دەربڕی. پاشان سەبارەت بە ژانری تەنز و کاریگەری تەنز و پێویستە برەودان بە تەنز له کوردستان هەر یەک لە بەڕێزان کاک حەسەن محەممەدی و دوکتور خالەق جەلیل‌نژاد ڕا و سرنجی خۆیان هێناگۆرێ.
له بەشێکی دیکەی کۆڕەکە شاعیری لاو “غەوارە” پارچە شێعرێکی خۆیی لە کۆی کۆمەڵە شێعرێک کە بریارە لە داهاتوودا چاپ و بڵاو بێتەوە خوێندەوە. لە سەر ئەو شێعرە هاوڕێیان حەسەن محه‌ممەدی، جەلیل‌نژاد و تاباک باسێکی شیکاریان هێناگۆڕێ.
☜ لە دوایین بەشی ئەو دانیشتنە خاتوو بەفرین شەرەفکەند چیرۆکێکی خۆیی پێشکەش کرد. هەر یەک لە بەڕێزان، محەمەد عەبدوڵاهی و خانم دانش‌پەژوو و غەواره باسیان لەسەر کرد.
ڕێکەوت: ١٧ /٦/ ۱۴۰۴
https://t.me/nawendy1