دانیشتنی حەوتوانە 72
هۆگرانی بەڕێز، بۆ وەرگرتنی فایلی دەنگی ئەو تەوەرە دەتوانن پێوەندی بگرن بە ژومارە تێلێفۆنەکانی بەشی پێوەندی ماڵپەڕەکەمان.
ناوەندی فەرهەنگی ــ هونەریی جامی
حەفتا و دووهەمین دانیشتنی ناوەندی فەرهەنگی هونەریی جامی بەڕێوە‌چوو.
تەوەر: کۆتایی دەورەی چەمی چیرۆکی
وتاربێژ: مامۆستای دەورە و بەشدارانی دەوڕە
کۆڕگێڕ: مەلی خانم قادری
دانیشتنی ژومارە حەفتا و دووهەمی ناوەندی فەرهەنگی هونەریی جامی بە بەشداریی ئەندامانی جامی، تاقمێک لە نووسەران و هۆگرانی فەرهەنگ و ئەدەبی شاری سەقز ڕۆژی دووشەممۆ ٢٨ی ڕەزبەر ١٤٠٤ هەتاوی لە نووسینگەی ناوەند بەڕێوە‌چوو.
☜ ناوەندی فەرهەنگی هونەریی جامی لە دڕێژەی ئێوارەدانیشتنەکانی حەوتووانەی خۆی‌دا، ئەو دانیشتنەی تەرخان کرد بۆ ڕێز گرتن و بەخشینی بڕوانامەی زانستی کارگای چیرۆک‌نووسی کوردی لە ژێر ناوی “چەمی چیرۆک”.
کۆرگێڕی بەرنامە خاتوو مەلی قادری سەرتا بەخێرهاتنی میوانان و بەشدارانی کۆڕەکەی کرد. پاشان داوای کرد نەسرین خانم جەعفەری بە نوێنەرایەتی ناوەندی فەرهەنگی هونەریی جامی وێڕای بەخێرهێنانی میوانان دەست‌خۆشی و ماندوو نەبوونی له مامۆستای دەورە “پەریسا عەتاری” و هەر وەها بەشدارانی دەورە بکا؛ بەڕێزان ئاماژەی کرد کە لە داهاتوودا ناوەندی جامی بۆ بەشی فێرکاری و پەروردە پڕۆژە و بەرنامەی دیکەی دەبێ .
پاشان مامۆستای دەورە به‌رێز خاتوو پەریسا عەتاری لەسەر پێویستی بەرێوەچوونی ئه‌و دەورە زانستیانە قسەیان کرد. بەڕێزیان ئاماژەی کرد ، بەداخەوە بەشێکی زۆر لەو کەسانەی ئێستا خەریکی نووسینن بە شێوەیەکی فکری و توێکمە ساخ نەبوونەوە بۆ دەنووسن ؟ هەر وەها لەسەر چۆن نووسین و بۆ کێ نووسین هەر جوورێک ساخ نەبوونەوە هەیە. بەڕێزیان ئاماژەی کرد چۆن نووسین و بۆ نووسین نیشاندەری فەلسەفە و ئه‌ندێشەی نووسەرە کە پێویستە هەر نووسەرێک لە ڕووی فکری بۆ ئەو بابەتانە کار بکا. خاتوو عەتاری هەر وەها ئاماژەی کرد کە بەداخەوە لە بواری چیرۆک‌نووسی بەشێکی زۆر لە نووسەرانی ئەو ژانرە مێتۆدەکان و تکنیکەکانی دارشتنی سووژەی چیرۆک بە ڕێک‌وپێکی ڕەچاو ناکەن. ئاماژەی کرد کە پێویسته هەر چیرۆک‌نووسێک بزانی هیچ نیشانەیەک بێ واتا و مانا نێ لە دەقی چیرۆک‌دا. پاشان دەست‌خۆشی لە بەشداربووانی دەورەی چەمی چیرۆک کرد و سپاسی خۆی بۆ بەرێوه‌بەری ناوەندی جامی ڕاگەیاند.
لە بەشێکی دیکە بەرنامەکە، هەر یەک لەو بەڕێزانە کە بەشداری دەورەی چیرۆک‌نووسی لە کارگەی “چەمی چیرۆک “بوون، چیرۆکیان خوێندەوە: خاتوو پەروین دانش پەژوو، خاتوو عیسمەتی ئیسماعیل‌زادە، خاتوو ترووسکە بەحری، خاتو لەیلی پیووز.
جێگای ئاماژەی لە پاژی دیکەی کۆڕه‌کە هونەرمەندی لاو و دەنگ‌خۆشی شارەکەمان کاکە ئایهان بە دەنگی خۆش و بلاوێنەکەی کۆڕەکەی ڕازاندوە.
☜ له بەشی کۆتایی‌دا پەزیرایی لە میوانان و بەشدارانی کۆڕه‌که کرا و بڕوانامه‌ی زانستی پێشکه‌شی بەشدارانی کارگەی چەمی‌چیرۆک کرا.
ڕێکەوت: ٢٨/ ٧/ ١٤٠٤
https://t.me/nawendy1