یەکەمین دانیشتنی بەشی “زانستە مرۆییەکان”ی ناوەندی جامی
◉ناوەندی فەرهەنگی – هونەریی جامی◉
یەکەمین دانیشتنی بەشی “زانستە مرۆییەکان”ی ناوەندی جامی
تەوەر: ئەمری سیاسی
وتاربێژ: د. سەعید حاج رشیدیان
کۆڕگێڕ: د. مەنیژە میرموکری
یەکەمین دانیشتنی بەشی “زانستە مرۆییەکان”ی ناوەندی فەرهەنگی هونەریی جامی بە بەشداریی ئەندامانی جامی، تاقمێک لە نووسەران و ژمارەیەک لە قەڵەم بەدەستان، ڕۆژی چوارشەممە ۲۱ی جۆزەردان ١٤٠٤ لە نووسینگەی ناوەند بەڕێوە چوو.
☜ لە ڕێکەوتی ٢١/٠٣/١٤٠٤ هەتاوی، لقی زانستە مرۆڤییەکانی ناوەندی فەرهەنگیی جامی یەکەم دانیشتنی خۆی لە ژێر ناوی “ئەمری سیاسی” بە وتاربێژیی د. سەعید حاج‌ڕەشیدیان، دوکتۆرای فەلسەفە و توێژەر لە بواری زانستە مرۆڤییەکان‌دا، بەڕێوە برد.
وتارەکە بە پێشەکییەکی کورت سەبارەت بە بنەڕەتی بوونی بابەتی ئەمری سیاسی لە لایەن د. مەنیژە میرموکری وەک بەڕێوەبەری بەرنامەکە دەستی پێکرد، پاشان د. حاج‌ڕەشیدیان وتەکانی بە هێنانە ئارای پرسیارێکی کانتی دەستی پێکرد: ئاخۆ ئەمری سیاسی لە سەردەمی مۆدێرن‌دا ئیمکانی هەیە؟ دوای هێنانەوەی پێشەکییەک لە‌مەڕ ئەمری سیاسی لە یۆنان و ئاماژە بە چەمک‌گەلێک چەشنی ئاپۆریا (دژوار بوون) و نمووس و هەر وەها ئاماژەگەلێک بە بیر و ڕای ئەرەستوو لە‌سەر ئەوە کە ئەرەستوو ژیانی سروشتی تێکەڵ بە حەوزەی ئەمری سیاسی نەکردووە و بەرهەمی ڕێسپابلیکای ئەفلاتوون و هەندێک وردە‌باسی تر، دوکتۆر حاج‌ڕەشیدیان تیۆرییە فەلسەفییەکانی ئەم چەمکەی لە نەریتی ڕۆژاوایی‌دا خستە بەرباس و بۆ ماوەی ٣٠ خولەک. پاش ١٥ خولەک پرسیاری حازران و وڵامدانەوی وتاربێژ و پشوودانێک، بەشی دووهەمی وتارەکە سەبارەت بوو بەو پارادۆکسانەی لە ساحەتی تیۆریکی بابەتەکە و ڕاستەقینە میژووییەکان بوونیان هەیە و ئەم بەشەش لە سی خولەک‌دا کۆتایی پێهات؛ بەو ئاکامە کە ئەمری سیاسی لە سەردەمی مۆدێرن لە ئەمری ئابووری وەردەگیرێ نە بەپێچەوانە. دوای کۆتایی ئەو بەشەش دووبارە دەرفەتێک بۆ گوێگران هەبوو کە پرسیار و تێبینییەکانی خۆیان سەبارەت بە باس و بابەتەکانی وتاربێژ دەربڕن.
لە خوارەوە ئاماژە دەکەین بە کۆمەڵێک چەمک و وشەی کلیلی و ناوی بیرمەندانێک کە لە وتارەکەدا ئاماژەیان پێکرا: یاسا، توندوتیژی، ژیانی سروشتی، ژیانی سیاسی، دەسەڵات، جەستە / بەدەن- دادپەروەری- پولیس / شار- فیزیوکراتکان و ڕوانگەیان- ئابووری- نرخی باش- زیست سیاسەت- و فایدەخوازی و هێز- یاسای بنەڕەتی- ئاستی قانوون- دۆخی ئیستثنا- مەسڵەحەتی دەوڵەت- حکوومەتداری شوان و گاڕان- مێرکانتلیزم، ئەرەستوو، ئەفلاتوون، کانت، کارل ئشمیت، بیسمارک، هانا ئارێنت، دریدا، ئاگامبێن، فۆکۆ، میگێل ئێبنێسور، هابز، لاک …
ڕێکەوت: ۲۱ /٣/ ١٤٠٤
https://t.me/nawendy1