دانیشتنی حەوتوانە 31
❂ناوەندی فەرهەنگی – هونەریی جامی❂
سی و یەکەمین دانیشتنی زانستیی ناوەندی فەرهەنگی هونەری جامی بەڕێوە چوو
تەوەر: خوێندنەوەیەکی ڕەخنەگرانە بۆ سینەما، تئاتر و ئەنیمەیشێنی کوردی و ژیانی منداڵانە.
وتاربێژ: پێژمان عەلی‌پوور( سینەماکار و دەرهێنەری ئەنیمەیشێن)
بەڕێوەبەر: ئەسعەد خۆشنوود
✓ سی و یەکەمین دانیشتنی حەوتووانەی ناوەندی فەرهەنگی هونەریی جامی بە بەشداری هۆگرانی فەرهەنگی کوردی، ڕۆژی پێنج‌شەممە ۱ی سەرماوەز ١٤٠٣ی هەتاوی لە نووسینگەی ناوەندی فەرهەنگی – هونەریی جامی بەڕێوە چوو.
☜ وانەوتاری ئەم حەوتوویە لە ژێر سەردێڕی: “خوێندنەوەیەکی ڕەخنەگرانە بۆ سینەما، تئاتر و ئەنیمەیشێنی کوردی و ژیانی منداڵانە” لە لایەن پێژمان عەلی‌پوور سینەماکار و دەرهێنەری ئەنیمەیشێن پێش‌کێش کرا.
پێژمان عەلی‌پوور سەرەتای کۆڕەکە کورتەیەکی لە مێژووی سینما، تئاتر و شانۆ له کوردستان ئاماژە پێکرد. لە ڕوانگەی کۆڕگێر، تاریخ‌نگاریی سینمای کوردی و ئانالیز و ڕەخنە لەو بەشە لە مێژووی هونەری، کاری کەمی بۆ کراوە.
پاشان کۆڕگێڕ، باسی ڕەوتی نوێی سینمای کوردی کرد و پێناسەی ئەو قۆناغەی بە پێی زمان، شوێن، سووژه و کاراکتێر، هێنا گۆڕێ.
لە بەشێکی دیکەدا، کۆڕگێڕ کۆمەڵێک ڕەخنەی لە ڕەوتی سینمای کوردی گرت و پێی‌وا بوو، سووژەی سینمای کوردی بەشی زۆری له چوارچێوەی نواندنەوەی “مەزلوومیت” و” ڕەنج” خۆی قەتیس کردووە. عەلی‌پوور لە درێژەدا، باسی لەوە کرد، شوێن له سینمای کوردی، زۆرتر لە چوارچێوەی سروشت دایە. ئێستا شار وەک شوێنێک بۆ داڕشتی سووژەی سینمایی گرینگی پێنەدراوە.
کۆڕگێڕ کوتی: “ئێستا منداڵ و دنیای منداڵان بە شێوەیەکی گشتی ئاوڕی لێنەدراوتەوە، بە تایبەت پێویستە بەشی فێرکاری لەو بەشەدا زیاتر کاری بۆ بکرێ.
✓ بەشێکی تری بەرنامەکە بریتی بوو لە ” پرسیار و وڵام”. لەم بەشەدا ئامادەبووان پرسیارەکانی خۆیان لە بابەت تەوەری باسەکە خستە ڕوو و وڵامی پێویست لە لایان وتاربێژەوە ئاراستەی ئەو بەڕێزانە کرا.
١٤٠٣/٠۹٫١
☟
https://t.me/nawendy1