دانیشتنی حەوتوانە 37
❂ناوەندی فەرهەنگی – هونەریی جامی❂
سی و حەوتەمین دانیشتنی زانستیی ناوەندی فەرهەنگی هونەری جامی بەڕێوە چوو
تەوەر: خولی فێرکاری زمانەوانی لە ئاستی سەرەتایی‌دا(بە ئاوڕدانەوە بۆ سەر زمانی کوردی)
وتاربێژ: جەواد سەید محەممەدی(زمانەوان و وەرگێڕ)
بەڕێوەبەر: قاسم تاباک
.
✓ سی و حەوتەمین دانیشتنی حەوتووانەی ناوەندی فەرهەنگی هونەریی جامی بە بەشداری هۆگرانی فەرهەنگی کوردی، ڕۆژی پێنج‌شەممە ٢٠ی بەفرانباری ١٤٠٣ی هەتاوی لە نووسینگەی ناوەندی فەرهەنگی – هونەریی جامی بەڕێوە چوو.
☜ لە پاژی یەکەمی بەرنامەدا ڕێزدار یۆسف بابەکی نوێترین بەرهەمی چاپ کراوی خۆی بە نێوی بووکی هەتاو و هەروەها لە بەشی دووی ئەم پاژەدا ڕێزدار مستەفا مەولوودی دوایین وەرگێڕانی خۆی بە نێوی ڕێبازی ئەوین بە بەشدار بووان ناساند.
وتاری ئەم حەوتوویە، لە ژێر سەردێڕی “خولی فێرکاری زمانەوانی لە ئاستی سەرەتایی‌دا” لە لایەن جەواد سەید محەممەدی زمانەوان و وەرگێڕ پێش‌کێش کرا. لەم وانەوتارەدا سەید محەممەدی پێناسەی زمانی له چوارچێوەی بابەتەکانی وەک سەرچاوگەی زمان، دەور و ئەرکی زمان، تایبەتمەندییەکانی زمان بە گشتی و جیاوازی نێوان گوتار و نووسراوە شی کردەوە. هەر یەک لەم بابەتانەش لە خۆگری هێندێک وردەبابەتی تر بوون. ئەم وردەبابەتانە بریتی بوون لە سەرچاوگەگەلی یەزدانی، جووڵەیی-زارەکی و سازگاری فیزیۆلۆژیکی لە چوارچێوەی سەرچاوگەکان‌دا، چەمک‌گەلی وەک سازدانی پێوەندی، بیر کردنەوەی مەنتیقی، ئامرازی دەربڕینی هەست و ئێحساس و وەبەرهێنانی جوانی کەلامی لە قالبی دەور و ئەرکی زمان و هەروەها وردە بابەتی وەک جێگۆڕکێ، قەرارکراو، ئامرازی داهێنەرانە، ئاڵ‌وگوێزی فەرهەنگی و جیاوازی لێک هەڵبڕاوی دەنگەکان لە چوارچێوەی تایبەتمەندییەکانی زمانی‌دا هێنایە بەر باس و لێدوان.
✓ بەشێکی تری بەرنامەکە بریتی بوو لە ” پرسیار و وڵام”. لەم بەشەدا ئامادەبووان پرسیارەکانی خۆیان لە بابەت تەوەری باسەکە خستە ڕوو و وڵامی پێویست لە لایان وتاربێژەوە ئاراستەی ئەو بەڕێزانە کرا.
١٤٠٣/۱۰/٢٠
☟
https://t.me/nawendy1