دانیشتنی حەوتوانە 38
❂ناوەندی فەرهەنگی – هونەریی جامی❂
سی و هەشتەمین دانیشتنی زانستیی ناوەندی فەرهەنگی هونەری جامی بەڕێوە چوو
تەوەر: میزگێردێک بۆ خوێندنەوەی شێعرەکانی نالی
وتاربێژان
١- دوکتور فەڕشاد وەلی‌زاده( مامۆستای زانکۆ و ڕەخنەگری ئەدەبی)
٢- حەمەساڵەی سووزەنی(شاعیر و ڕەخنەگری ئەدەبی)
بەڕێوەبەر: قاسم تاباک
.
✓ سی و هەشتەمین دانیشتنی حەوتووانەی ناوەندی فەرهەنگی هونەریی جامی بە بەشداری هۆگرانی فەرهەنگی کوردی، ڕۆژی پێنج‌شەممە ٢٧ی بەفرانباری ١٤٠٣ی هەتاوی بە شێوەی میزگێرد، لە نووسینگەی ناوەندی فەرهەنگی – هونەریی جامی بەڕێوە چوو.
☜ لە پاژی یەکەمی میزگێردەکەدا د.فەڕشاد وەلی‌زاده وتاری خۆی لە ژێر سەردێڕی ” ڕاست کردنەوە، پێداچوونەوە و لێکدانەوەی سەرجەم بەرهەمەکانی نالی” پێش‌کێش کرد. وەلی‌زادە لەم وتارەدا باسێکی تێروتەسەلی لەسەر ساغ کردنەوەی سەرجەم بەرهەمەکانی نالی ئاراستە کرد. لە درێژەدا د.وەلی زادە نوسخەی تازەی بەرهەمەکانی نالی لەگەڵ نوسخەی مامۆستا عەبدولکەریم مودەڕیس بەرارود کرد و هەڵەوپەڵەکانی هێنایە بەر باس.
☜ لە پاژی دووەمی میزگێردی ئەوڕۆدا ڕێزدار حەمەساڵەی سووزەنی لە ژێر سەردێڕی “نالی و خوێندنەوە نوێیەکانی سەردەم” بابەتەکەی خۆیان پێش‌کێش کرد. سووزەنی لە بەشێک لەم وتارەدا شێعرەکانی نالی لە ڕوانگەی بیردۆزەکانی وەک باشلار و ڕوویکەردی فۆڕمالیزم شرۆڤە کرد و سەرەڕای تەفسیری بەشێک لە خوازە و دەستەواژەکانی شێعری نالی، ئاوڕێکی دیاردەناسانەشی هەبوو بۆ تەحلیلی بەرهەمەکانی ئەم شاعیره مەزنەی کورد. هەروەها سووزەنی بە هێنانەی گۆڕی چەمکی ئاناڕشیزمی شێعری، سووکەئاوڕێکی لەم ڕوانگەیەشەوە دایەوە سەر شێعرەکانی نالی. لە درێژەدا باسی لەوەی کرد کە نالی زۆر بوێرانە توانیوێتی چەمک‌گەلی عیرفانی لە ئاسمانەوە بێنێتە سەر زەوی و ڕەنگ‌وبۆنی ژیانی ئاساییان پێ بدا.
✓ بەشێکی تری بەرنامەکە بریتی بوو لە ” پرسیار و وڵام”. لەم بەشەدا ئامادەبووان پرسیارەکانی خۆیان لە بابەت تەوەری باسەکە خستە ڕوو و وڵامی پێویست لە لایان وتاربێژانەوە درایەوە.
١٤٠٣/۱۰/٢٧
☟
https://t.me/nawendy1