دانیشتنی حەوتوانە 43
❂ناوەندی فەرهەنگی – هونەریی جامی❂
چل و سێیەمین دانیشتنی زانستیی ناوەندی فەرهەنگی هونەری جامی بەڕێوە چوو
تەوەر: ڕوون‌کردنەوەیەکی مێژوویی لەسەر بەیتی خەلیل‌پاشا
وتاربێژ: عەلی ئازیز(نووسەر و توێژەر)
بەڕێوەبەر: حەسەن محەممەدی
.
✓ چل و سێیەمین دانیشتنی حەوتووانەی ناوەندی فەرهەنگی هونەریی جامی بە بەشداری هۆگرانی زانست و فەرهەنگی کوردی لە مەهاباد، نەغەده و شنۆ، ڕۆژی پێنج‌شەممە ٢ی ڕەشەمەی ١٤٠٣ی هەتاوی لە نووسینگەی ناوەندی فەرهەنگی – هونەریی جامی بەڕێوە چوو.
☜ وتاری ئەم حەوتوویە، لە ژێر سەردێڕی “ڕوون‌کردنەوەیەکی مێژوویی لەسەر بەیتی خەلیل‌پاشا” لە لایەن بەڕێز کاک عەلی ئازیز نووسەر و توێژەری هێژا پێش‌کێش کرا. لەم وتارەدا بەڕێزیان سەرەتا باسێکی مێژوویی لەسەر ناوچەی موکریان کرد و بنەما میژووییەکانی ئەم ناوچەیەی خستە بەر تیشکی لێکۆڵینەوە. پاشان چۆنێتی سەرکوت کران وسەرهەڵدانەوەی میرنشینە موکرییەکانی لە چەند پاژی مێژوویی‌دا لێک دایەوە. کاک عەلی لە درێژەدا باسی له وردەکارییەکانی ناوچەی باریکان لە ڕووی بەڵگە و دێکیۆمێنتە مێژووییەکان کرد. لە پاڕتێکی دیکەی وتارەکەیان‌دا ئاماژەی بە چۆنێتی سەرهەڵدانی خەلیل‌پاشا و دەوری خەلیل‌پاشا لە بزووتنەوە نەتەوەییەکانی کوردی لەو سەردەم‌دا هێنایە بەر باس. هەر وەها بەشێک لە بەڵگە دەست‌نووسەکانی پێوەندیدار بە خەلیل‌پاشای بۆ بەشداربووان خوێندەوە.
✓ بەشێکی تری بەرنامەکە بریتی بوو لە ” پرسیار و وڵام”. لەم بەشەدا ئامادەبووان پرسیارەکانی خۆیان لە بابەت تەوەری باسەکە خستە ڕوو و وڵامی پێویست لە لایان وتاربێژەوە ئاراستەی ئەو بەڕێزانە کرا.
١٤٠٣/١٢/٠٢
☟
https://t.me/nawendy1