دانیشتنی حەوتوانە 49
◉ناوەندی فەرهەنگی ــ هونەریی جامی◉
چل و نۆهەمین دانیشتنی ناوەندی فەرهەنگی هونەریی جامی بەڕێوە چوو.
تەوەر: خوێندنەوەی ئازادی بەرهەمی نوێی ئەندامان و ئامادەبووان
کۆڕگێڕ: قاسم تاباک
چل و نۆهەمین دانیشتنی حەوتووانەی ناوەندی فەرهەنگی هونەریی جامی بە بەشداریی ئەندامانی جامی، تاقمێک لە نووسەران و هۆگرانی فەرهەنگ و ئەدەب و ژمارەیەک لە قەڵەم بەدەستان، ڕۆژی پێنج‌شەممە ۴ی بانەمەڕ ١٤٠٤ی هەتاوی لە نووسینگەی ناوەند بەڕێوە چوو.
☜ ناوەندی فەرەنگی ـ هونەری جامی لە دڕێژەی ئێوارە دانیشتنەکانی حەوتووانەی خۆی‌دا، ئەو دانیشتنەی تەرخان کرد بە “خوێندنەوەی بەرهەمی نۆیی ئەندامان” . کۆری ئەو حەفتەیە بە خوێندنەوەی بابەت لە لایانە خانم لەیلی شادمان‌فەر دەستی پێکرد. پاشان “محەمەد ڕەسووڵی ” تەمەن نۆ ساڵانە بە خوێندنەوەی چەند پارچە شێعری کوردی کۆڕەکەی ڕازاندەوە. جێگای ئاماژەیە ناوەندی جامی لە سەرەتای دەست‌بەکار بوونیەوە بایەخی گرینگی بە مندالان و ئەده‌بی مندالان داوە.
لە بەشێکی دیکەی کۆڕەکەمان “محەمەد میرئابادی” شێعری لە سەر کارەساتی ئەنفال لە قالبی چیرۆکەشێغر پێشکەش کرد. کۆڕگێر لە ئامادەبووانی ویست سەبارەت بەو دەقە ڕاوبۆچونی خۆیان بێننە ئاراوە. هەر یەک لە بەڕێزان : سوارە فتوحی ، ئەحمەد بەحری ، ئیبراهیم ڕەسووڵی ، د . خالەق جەلیل‌نژاد ڕەخنە و بۆچوونەکانیان بەیان کرد.
پاشان شاعیری لاو و بەتوانا ، زانیار ڕەوا، دوو پارچە شێعری نوێی خۆیی پێشکەش کرد. کە لە لایەن د جەلیل‌نژاد لە سەر شێعری زانیار ڕەوا قسە کرا. بە بروای ئەو ڕەخنەگرە، شێعری زانیار ڕەوا چەند تایبەتمەندی گرینگی هەیە، یەکەم زمانی شێعری ئەو شاعیرە زمانێکی ڕەوانە، پاشان دەقەکانی ئەو شاعیرە ڕەگی ئێعترازی و ڕەخنەگرانەی پتەوی لەخۆ گرتوە. بە بروای جەلیل‌نژاد، زانیار ڕوا لە دەقەکانی شێعری خۆیی تەواو لە ژێر سێبەری ڕەوایەتە گەورەکان خۆیی دەکێشێتە دەرێ و بنەماکانی ئینساگەرایی (ئۆمانیستی) لە شێعرەکانی دا پێگەیەکی پتەوەیان هەیه.
پاشان چیرۆک‌نووسی بەتوانا خاتوو لەیلا نوورانی چیرۆکی بەتام و چێژی پێشکەشی کۆرەکە کرد. چیرۆکی خاتوو لەیلا باسێکی زۆری لە لایەن ئامادەبووان لێکەوتەوە. بەڕێزان ئەحمەد بەحری، خاتوو نەسیرین جەعفەری و ئاغای بابکی و ئیبراهیم ڕەسووڵی لەسەر زمانی چیرۆکەکە کۆمەڵێک تێبینی و سرنجیان هێناگۆرێ. هەر سەبارەت بەو چیرۆکە محەمەد عەبدوڵلابەیگی تێبینێکانی سەبارەت بە ڕەوایەتی ئه‌و چیرۆکە هێنایە گۆڕ. پاشان جەلیل‌نژاد سەبارەت بە زمان، نمادەکان، دەنگی ئێعترازی ژنانە و ئەو نەریتانەی کە ژن لە مێژوویی کەلتووری کۆمەڵایەتی کۆمەڵگای کوردی ئەزموونی کردووە لەو چیرۆکە بازنوومایی کراون، قسەی کرد.
پاشان بەڕێز “کەریم عەبدوڵڵاپوور، بۆ یەکەم جار دوو پارچە شێعری خۆیی لە کۆرێکی فه‌رمی پێشکش کرد.
پاشان بەرێز “حەسەن خەلیل‌پوور” کورتە باسێکی لەسەر کتێبی “فەرهەنگی ئاژەڵداری” کە پاش حەوت ساڵ کار کردن کۆتایی هاتوە بۆ ئامادەبووان باس کرد. بەڕێز خەلیل‌پوور ڕێز و حوورمەتی خۆیی ئاراستە هاوکاری بێدریغی ستافی گۆڤاری مەهاباد کرد و ئاماژه‌ی کرد لە هەموو ئەو سالانە ستافی گۆڤاری مەهاباد پشتیوانی تەواو ئەو کارە بوون.
بەشی کۆتایی کۆرەکە تەرخان کرا بۆ خوێندنەوەی بەرهەمی شێعری دوو شاعیری لاوی بەتوانا بەرێزان ئێحسان پیرۆتی و ئیبراهیم ڕەسووڵی (غەوارە). بەو جوورە کۆرەکە بە خۆشی و چەپلەی ئامادەبووان کۆتایی هات.
☜ بەشێکی تری بەرنامەکە بریتی بوو لە ” پرسیار و وڵام”. لەم بەشەدا ئامادەبووان پرسیارەکانی خۆیان لە بابەت تەوەری باسەکە خستە ڕوو و وڵامی پێویست لە لایان وتاربێژەوە ئاراستەی ئەو بەڕێزانە کرا.
ڕێکەوت: ١٤٠٤/۲/۱۱
https://t.me/nawendy1