دانیشتنی حەوتوانە 52
◉ناوەندی فەرهەنگی ــ هونەریی جامی◉
پەنجا و دووەمین دانیشتنی ناوەندی فەرهەنگی هونەریی جامی بەڕێوە چوو.
تەوەر: بەرهەمی ئازادی ئەندامان
وتاربێژ: ئەندامانی بەشدار
کۆڕگێڕ: قاسم تاباک
دانیشتنی ژمارە پەنجا ودووی حەوتووانەی ناوەندی فەرهەنگی هونەریی جامی بە بەشداریی ئەندامانی جامی، تاقمێک لە نووسەران و هۆگرانی فەرهەنگ و ئەدەب و ژمارەیەک لە قەڵەم بەدەستان، ڕۆژی دووشەممۆ ٥ی جۆزەردان ١٤٠٤ی هەتاوی لە نووسینگەی ناوەند بەڕێوە چوو.
☜ ناوەندی فەرهەنگی هونەریی جامی لە دڕێژەی ئێوارەدانیشتنەکانی حەوتووانەی خۆی‌دا، ئەو دانیشتنەی تەرخان کرد بۆ بابەت و نووسراوەکانی ئەندامان و بەشداربووان.
سەرەتا قاسم تاباک وەک بەڕێوەبەری بەرنامه بەخێرهاتنی ئەندامانی کرد و پارچە شێعرێکی مامۆستا مەدهۆشی کە بە دیتنی مامۆستا قانع سەرسام دەبێ، خوێندەوە. پاشان هەر یەک لە بەڕێزان بابەت و بەرهەمی خۆیان بەو شێوەیە خوێندەوە:
محەممەد عەبدوڵڵابەیگی کورتەچیرۆکێکی تازەی خۆی خوێندەوە. پاشان لە لایەن بەڕێزان سماییل بەرزەنجی، خاتوو بەیگ‌نیا، غەوارە، جەلیل‌نژاد قسەیان لە سەر کرا.
لە بەشێکی دیکەدا، محەممەد میرئابادی سێ پارچە شێعری بە دوو زمانی کوردی و فارسی خوێندەوە. لە سەر شێعرەکانی ئەو شاعیرە قاسم تاباک قسەی‌کرد.
لە بەشێکی دیکەدا، خاتوو بەفەرین شەرەفکەندی چیرۆکی بەتام و چێژی پێشکەشی ئامادەبوانی کۆرەکە کرد و له لایەن ئامادەبووانی کۆرەکە بە خۆشی وەرگیرا. جێگای ئاماژەیە، هەر یەک لە بەڕێزان، خاتوو لەیلا نوورانی، غەوارە، مامۆستا ئەحمەد بەحری و محمەممەد عەبدوڵڵابەیگی و جەلیل‌نژاد قسە و ڕای خۆیان دەربڕی کرد.
لە بەشێکی دیکەی کۆرەکە‌دا، خاتوو گلاوێژی بەییگ‌نیا چیرۆکێکی خۆی پێشکەشی ئامادەبووان کرد، بەڵام بە هۆی کەم بوونی کات قسەی لە سەر نەکرا.
پێویستە ئاماژە بکەین، دەستەیەک لە بەڕێزان بە هۆی کۆتایی کاتی دانیشتنەکە نەیانتوانی بەرهەمەکانیان بخوێننەوە؛ بەو هیوایە لە دانیشتنی داهاتوودا گوێبیسی نووسینەکانیان بین.
☜ لە بەشی کۆتایی‌دا قاسم تاباک بەڕێوەبەری کۆرەکە بە خوێندنەوە وڵامی مامۆستا قانع بۆ مامۆستا مەدهۆش کۆتایی کۆرەکەی ڕاگەیاند.
ڕێکەوت: ۱۴۰۴/۳/۵
https://t.me/nawendy1