دانیشتنی حەوتوانە 67
◉ناوەندی فەرهەنگی – هونەریی جامی◉
شێست و حەوتەمین دانیشتنی ناوەندی فەرهەنگی هونەریی جامی بەڕێوە چوو.
تەوەر: کرۆنیکێل و شوێنی لە گێڕانەوە و یادەوەری مێژوویی کوردی
وتاربێژ: ئەمجەد غولامی
کۆڕگێڕ: یاقووب خزری
دانیشتنی ژمارە شێست و حەوتی حەوتووانەی ناوەندی فەرهەنگی هونەریی جامی بە بەشداریی ئەندامانی جامی، تاقمێک لە نووسەران و هۆگرانی فەرهەنگ و پرسە کۆمەڵایەتییەکان و ژمارەیەک لە قەڵەم‌بەدەستان، ڕۆژی دووشەممۆ ۳۱ی خەرمانان ١٤٠٤ی هەتاوی لە نووسینگەی ناوەند بەڕێوە‌چوو.
☜ سەرەتا بەڕێز غولامی لە سەر چەمکی ” کرۆنیکێل ” هەولوێستەیەکی کرد و بۆ ئامادەبووانی ڕوونکردەوە کە ئەو چەمکە لە زمانی فارسی بە واتای “وەقایع‌نگاری”ە. بەڵام لە ڕوانگە وتاربێر ئەوم چەمکە ڕەچەڵەکەکەی دەگەڕێتەوە بۆ فەرهنگی یونانی کۆن؛ دەبێ له وشەی کرۆنووس یان خواوەندگاری زەمان وەرگیرابێ. وەک شیوازە له نووسین کرۆنیکێل دەگەڕێتەوە بۆ سەدەکانی نەوەراست کە بەسەرهاتی شایەکان و پاڵەوانان بە شێوەی مێژوومەند دەگێردراوە نە ئەفسانەیی. لە دەورانی مۆدێرن دیسان ئەو چەمکە هاتەوە کایە وەک یەک لە ئاخێزگەکانی نووسین ڕۆمان باسی لێوەکرا. بەڕێز غوڵامی ئاماژەی کرد کرۆنیکل چەشنێک گێرانەوەیە کە لە گۆشەنیگای یەک کەس دێتە ئاراوە. ئەو کەسە خۆیی بینەری ڕاستەوخۆی ڕووداوە. کرۆنیکێل دەگەڵ مێژوو جیاوازه. کرۆنیکل له چیرۆک نیزیک دەبێتەوە تا لە مێژوو.
له بەشێکی باسەکە وتاربێژ باسی له زەروورەتی کرۆنێکل کرد بوەی بکرێ زەمانە لە دەست‌چووەکان ، زەمانە فڕێدراوەکان بگێرینەوە هەڵبەت گێرانەوەیه‌ک بە بوونی شایەدەکان. بۆیه دەکرێ بلەیین ئەگەر مێژوو شایەدێکی دوورە کرۆنیکێل شایەدێکی نیزیکە.
جێگای ئاماژە لە بەشێکی دیکەی باسەکە بەڕێز غوڵامی وەک فەکت ئاماژەی بە کۆمەڵێک کێتب لە زمانی فارسی و کوردی کرد کە لەو ڕوانگەوە دەکرێ باسیان بکرێ وەک کتێبی کورد بوون ، مێژووی بەیهەقی و ….
☜ بەشێکی تری بەرنامەکە بریتیبوو لە “پرسیار و وڵام”. لەم بەشەدا ئامادەبووان پرسیارەکانی خۆیان لە بابەت تەوەری باسەکە خستە ڕوو و وڵامی پێویست لە لایان وتاربێژەوە پێشکەشی ئەو بەڕێزانە کرا.
پێشنیار دەکەین بۆ ئاگاداربوون له وردەکاڕییەکانی ئەو بابەتە گوێبیسی فایلی دەنگی ئەو دانیشتنە بن.
ڕێکەوت: ٣۱/ ٦ /١٤٠٤
https://t.me/nawendy1