بەڕێوە چوونی کارگەی زانستی “چەمی چیرۆک”
بەڕێوە چوونی کارگەی زانستی “چەمی چیرۆک”
“ڕاپۆرتی سێ دانیشتنی ئەوەل”
ناوەندی فەرهەنگی هونەری جامی لە دڕێژەی کار و چالاکێکانی خۆی‌دا کۆرسێکی بۆ چیرۆک‌نووسی له ژێر ناوی “چەمی چیرۆک” لە سەرەتای بەهاری ئه‌و ساڵ دەست پێکردووە.
سەردەمی ئێستا ھەڵگری لە ڕاستییەیە کە هەموو شتێک لە چوارچێوەی زانستی و دروستی خۆیی‌دا کاری بۆ بکرێ. ئەدەبیات بە‌گشتی و ژانری چیرۆک بەتایبەتی ئێستا لە زانستییانە و مێتۆدیک کاری بۆ دەکرێ. لە سەردەمی ئێستا دا چیرۆک‌نووسی بابەتێکی خاوەن ئووسول و ڕێبازی دیاریکراوە.
ئێستادا ناوەندە ئاکادێمی و زانستییەکان لە گشت جیهان چیرۆک وەک چەمکێکی ئاکادێمیک دەبینن و کۆرس و ڕەوتێکی زانستی و تەوەرگەلی تایبەت بە گێڕانەوە پەرەپێدەدەن و بۆ فێرکاری ئەم ژانرە ڕەوتی زانستی بۆ دیاری دەکەن. ئێمەی کوردیش پێویستە ئەم ڕێگەیە بگرینە بەر .
بە پێی ئەو خوێندنەوەیە ناوەندی جامی ئەم خولە زانستێی بەڕێوە دەبا و هەوڵ دەدا بەشێک لەم زانستە ڕاگوێزی ناو ئاقاری چیرۆک‌نووسیی کوردی بێ.
لەو کۆرسه دا کۆمەلێک تەوەر تا ئێستا پێشکەشی بەشداربووان کراوە؛ بریتین لە: نووسەر کێیە و دەتوانین بە کێ بڵێین نووسەر؟ دەستپێک، گەڵاڵە و چەمک و بیرۆکە، کەسایتی و کارەکتێر، … .
جێگەی ئاماژەیە دانیشتنەکانی ئەم کارگەیە لە دوو بەشی تێئۆرێک و کردەیی (عەمەلی) پێک‌هاتووە و لە بەشی پڕاکتیک و کردەوەیی چەمکە تێئۆریکەکان بە شێوەیی کردەیی لە نووسینی چێرۆک لە لایەن بەشدان دە کار دەکرێن و خۆێندنەوەیان بۆ دەکرێ. بەو شێوە بەشداربووانی کۆرسه‌کە ، لە لایەک دەگەڵ تێئۆرێکان ئاشنا دەبن. لە لایه‌کی تریش دەگەڵ چۆنێتی دە کارکردنیان بە شێوەی کردەیی ئاشنا دەبن.